Nota de Prensa

XORNADA DE CONCIENCIACIÓN A PROL DA RECOLLIDA DE REFUGALLOS E A SAÚDE SEXUAL

As Xuventudes Socialistas de A Coruña (XSG-A Coruña) levaremos a cabo o xoves, día 10, un acto na Praza do Humor a partir das 2:00 da madrugada co propósito de instalar unhas mesas nunha esquina da Praza para que a mocidade que o desexe entréguenos os seus refugallos (botellas, vasos, etc) para depositalos nos seus respectivos colectores. Ao mesmo tempo, a cada mozo e moza que colabore darémoslle un preservativo e información sanitaria complementaria.

Deste xeito, as XSG-A Coruña comprométense coa loita polo respecto ao medio ambiente, un dos maiores problemas do planeta, e coa seguridade nas relacións sexuais da mocidade da nosa cidade.